政情：八網難逃：網民寸爆着老西洗街扮做嘢 李鎮強：上咗一堂
區議員就好似地區保長咁，事無大小都想第一時間話畀街坊知，好似東區區議員李鎮強咁，就將佢試用食環署洗街機嘅相印咗橫額掛喺街，就畀眼利嘅網民上載上網，寸爆佢着住套老西用洗街機，扮嘢交差都求其，而李鎮強就自嘲上咗一堂。
話說有網民將李鎮強嘅橫額放上網，批評佢「成套西裝借一借清潔叔叔部機就咁影張相就當做過嘢，仲話臨時演員都係演員，精神啲，驚死人唔知你做戲咁款。」
「等我下次又學吓捲袖先」
李鎮強就解釋，其實佢每次落區都係着西裝，着西裝落區只想尊重街坊，原來自己搞錯咗，仲話上咗一堂添！佢又話「謝謝愛錫和明白我的街坊提醒我穿適合場地的衣服，等我下次又學吓，捲袖先」。