迴轉壽司得吉碟 客人「食空氣」
【本報訊】偶爾想吃壽司，可以去壽司店大飽口福，但大家有冇遇過「空氣壽司」的情況呢？近日有網民光顧觀塘一間迴轉壽司店，但運輸帶上，卻是一件壽司都冇，網民看後笑言係「傳說中的飢餓行銷」。
網民Tsang Chiu Long前日（4日）於Facebook群組「巴打絲打Facebook Club」發布片段及貼文指，自己在壽司店「等咗十幾分鐘，一件壽司都冇」。片段所見，運輸帶上只有一個個吉碟及膠蓋不停在轉動，事主向職員了解，對方回應指「整緊」。事主惟有繼續等待，誰知「都係一件壽司都冇」，感覺無奈。
網民笑稱師傅正罷工
網民看過片段後，都直言很搞笑，許多人稱壽司師傅可能正「罷工」，「不合作運動」，亦有網民調侃事主，「畀你食晒，仲好講」，亦有人估計，「職員整好晒一碟碟放喺一邊都唔會放落去畀你食？」甚至認為事件「係咪笑話嚟o架」。