好多人都鍾意攞住啲大大隻海鮮影相，皆因難得一見吖嘛。民建聯小花郭玲麗近日都喺社交網站貼咗張相，見到佢捉住兩隻蟹腳，隻蟹睇落仲大過佢塊面，認實誇張，難怪佢影相嗰陣笑得咁開心。佢貼文話，當晚準備咗「花昭蟹」做晚餐，仲叫大家估計重幾多公斤添，又話係海鮮大餐，要獎勵吓自己咁話。有啲網民就問佢係咪獨自品嘗，佢就回覆話係同家人共享。咁大隻蟹，同屋企人分享相信都一定夠食啦！
（互聯網）
