政情：黃錦星無厘頭 乜都拉埋打風講

黃錦星一開首就話「打風八號波，大眾合家平安」，成句說話好有長輩圖嘅味道。之後佢又話鋒一轉，列出「四電一腦」嘅回收熱線，該熱線最後四個號碼都係八字，另外佢又講到政府承辦商積累年幾嘅實戰經驗，係愈嚟愈好波，睇嚟佢一開頭就提八號波係想玩食字喇，但老實講效果就非常一般囉。

走塑活動「巧遇」大嘥鬼

另外，向來積極更新Facebook嘅黃錦星，尋日又上載多張同大嘥鬼嘅合照，仲話自己只係啱啱路過，就見到有支持走塑嘅活動同埋大嘥鬼嘞。似乎佢同大嘥鬼唔止似樣，仲好有緣喎！話時話環境局多年工作最深入民心都係吉祥物大嘥鬼，睇嚟喺推動其他環保政策上要落多幾錢肉緊先得喇！