呢排香港立立亂，財政司司長陳茂波（波叔）尋日喺網誌話，香港嘅經濟增長今年首季僅得百分之零點六，係近十年來最差嘅季度，失業率亦有回升之勢。老實講，香港經濟喺反對《逃犯條例》修訂行動爆發前已呈下滑，波叔係掌管香港經濟命脈，明顯係佢冇招刺激經濟增長，再加上因為近日遊行爆發激烈衝突，商戶、零售同旅遊嘅生意大受影響，可能進一步下跌，依家肯定佢震騰騰喇！
