政情：洪為民細個想做驅逐艦艦長

應朋友邀請 加入交通安全隊

點解？佢話因為細個時見到中越海戰中，中國驅逐艦嘅艦長非常有型，但礙於香港嘅客觀環境，呢個志願只能夠得個想字，後來佢升讀中學，先後向家人要求加入學校嘅童軍及交通安全隊，惟家人以擔心妨礙學業為由，一口回絕，直至廿五、六歲，才應朋友邀請參加交通安全隊，至今一眨眼，加入制服團體不知不覺就已經廿四年喇！

洪又指，全港十四個制服團體中，唯獨交通安全隊有設立幼兒隊，因為從幼兒園階段就灌輸交通安全意識，咁樣不但係最深刻，而且小朋友亦都不時會提醒家長注意遵守交通規則，可以收一石二鳥之效咁話。