政情：張綺媚接任版權審裁處成員

任期兩年零四個月

通常出任政府公職，每個職位都有上限，一般擔任同一個職位都唔可以超過六年。據了解，其中一個成員查毅超將會喺本月底卸任，而埋單計數佢都做咗六年成員，所以點都要換人，版權審裁處多名成員任期喺十一月底屆滿，今次就特別委任新成員張綺媚嘅任期為兩年幾，咁下次換屆就可以同其他成員嘅任期睇齊，齊上齊落。點解會委任張綺媚？據知係同佢本身係香港玩具協會主席有關，因為係業界嘅持份者。

另外，政府尋日亦公布，委任陳冠雄、程劍慧、任文慧、呂文貞、巫麗蘭同埋鄧澍焙為新任保險事務上訴審裁處委員團嘅成員，聯同埋再獲委任嘅二十名現任委員，大家嘅任期就由尋日開始，為期兩年。