政情：方國珊被戳破 疑與鄭松泰一夥

哪吒同何君堯割席

事緣喺前日元朗被大批「白衫軍」入侵，有片段影到立法會建制派議員何君堯同白衫軍有傾有講，引起公眾嘩然，仲有網民發現哪吒同何君堯合照，大肆宣傳兩人係同一夥。哪吒就發貼同何「割席」，形容係得啖笑，因為自己年中出席唔少活動，不論派別嘅人都有握手合照，其中就包括鄭松泰，佢語帶嘲諷咁呼籲大家可以看圖作故事喎。

哪吒強調自己從政十年，作為無黨派人士，一直抱住對事不對人嘅原則，只要民生議題有得傾，大原則一致，就可以企在同一陣線，重申不容暴力。原來係譴責暴力，難怪咁多人話支持喇。