政情：手指篤唔出血 楊潤雄棄讀醫

讀小學時嘅楊潤雄（右）成績好好。（香港賽馬會提供）

楊潤雄接受香港賽馬會刊物嘅訪問時話，當年喺高級程度會考放榜後，喺大學揀科亦遇到困難，就係有好多選擇但唔識得選擇，即係唔知應該揀邊科，最後佢揀咗容許佢日後有更多選擇嘅科目，就係社會科學，佢話既然唔知自己想做乜嘢工作，不如揀一條闊啲嘅路。

• 楊潤雄

反映自我保護系統太強

佢又透露，其實父母係想佢讀醫科。神科喎，點解唔讀呢？佢話雖然係讀理科，志趣似乎唔係呢樣，又自爆讀生物課試過篤手指驗血，好大力篤，落到去手指就變得好細力，反映自我保護系統太強，所以冇揀呢科，仲話生涯規劃套入佢身上，早啲知道自己想做乜嘢，就會早啲作出抉擇。