依家唔少基層市民住喺劏房，唔單止生活環境差，租金仲愈嚟愈高，一項調查結果顯示，面積愈小嘅劏房單位呎價卻愈貴，再加上業主不時加租，令佢哋好難捱。其實，歸根究柢都係公營房屋供應量少，一九／二○年度公屋編配畀輪候冊人士嘅數目創九七年新低，兼且短期內會突破六年上樓嘅大關，擺明運輸及房屋局局長陳帆要孭鑊喇，公屋冇地起，過渡性房屋又歎慢板，令基層市民任人宰割。
