政情：公民講場：搞唔掂屯門公園噪音 李美嫦累區會啃鑊

最近因為有衣着暴露嘅大媽喺屯門公園表演歌舞，令噪音問題嚴重，搞到有市民要「光復屯門公園」。話說依家屯門公園有成廿幾檔歌舞活動，仲要有好多大型喇叭，所以先有噪音問題。其實，噪音問題一向都係康樂及文化事務署負責，但咁多年嚟一直都冇改善，依家短短三日仲要搞兩次光復，更要求區議會撤銷屯門公園嘅自娛區添！康文署署長李美嫦搞唔掂班大媽仲連累埋區議會，擺明係卸責。