政情：蔡德昇改善波牛形象 為退役足球員搵出路
運動員職員生涯短暫，唔少人退役後都會選擇從事同運動相關嘅職業，但香港中華出入口商會常務會董蔡德昇就話，香港唔少足球員退役後反而會轉行。
堅毅精神吸引企業
舊時嘅足球員予人波牛形象，但蔡德昇就話現時唔少足球員都係大學畢業，而且足球員堅毅精神反而吸引到企業，所以會幫助退役足球員同埋企業作配對，現時已有唔少球員退役後從事與足球無關係嘅工作，不過始終佢哋鍾意足球，大部分都會去考球證牌。
其實蔡德昇亦係球迷，睇波多年已經歷過唔少次支持嘅球星退役。佢就話無得再睇佢哋喺場上嘅風采難免有啲失落。但最令人傷心，係見到有球星退役後染上吸毒、酗酒等壞習慣，因為佢哋退役後生活大不如前，以前香港嘅退役球員都曾有類似情況，難怪現時佢咁有決心幫助退役球員轉型喇！