中環出更：葉建源收四千蚊飾演議員

負責睇公務員文件

話說葉建源喺上個月出席咗公務員事務局一個培訓講座，就邀請咗佢。佢話當日嘅講座係培訓一啲中級公務員，教佢哋點樣去寫一份政策文件，喺立法會會議上點樣去回應議員嘅提問同質詢等。而佢喺「角色扮演」當中就係飾演一個議員，負責去睇佢哋嘅文件，聽佢哋講解政策同向佢哋提問。被問到係扮演激進派、溫和派，定係建制派時，佢就笑笑口話︰「好難扮得到嘅」。但佢都有提醒議會內嘅議員係有唔同風格喎。

佢大讚接受培訓嘅公務員雖然冇出席立法會會議嘅經驗，但係好畀心機，表現都幾好，慨嘆反而依家出席會議嘅官員就質素參差，經常喺出席會議時準備不足，直言官員出席會議面對嘅係民意代表，應明白係要向社會負責，不論心態上定資料數據方面，都應該有充足準備咁話。

卓妮