政情：左撇子贏個勢 袁莎妮入牛津校隊

中國人及女性身份亦吸睛

Shirley日前喺社交網站上載咗啲相，原來總商會搞咗個內部嘅乒乓球比賽，畀員工減吓壓，而Shirley都有落場打雙打，原來佢係左手揸拍嘅，佢仲自爆當年入大學校隊嘅原因，形容自己「輸人唔輸陣」，當年入校隊，主要因為係中國人，又係女仔，仲要係左撇子，「單係隊形陣勢已贏哂（晒）」。又係嘅，以佢當年喺牛津讀大學嘅時候，同學應該以外國人居多，見佢一個女仔仲係左手執拍打波，當然好吸睛喇！

入得校隊，技術一定有番咁上下，但係喺呢場比賽，佢坦言其實佢嗰隊打得唔差，又有個好拍檔，但係班同事更勁喎。好明顯，佢呢次輸波喇，但佢話打呢場波，係佢三個星期以嚟第一次心情舒暢喎。所以話贏輸唔係重要嘅，最重要係享受過程。