政情：阿仔地位高 劉盛雪：佢係屋企CEO
香港有唔少媽媽都要做嘢，工作表現都相當出色，不過，就算喺外面做嘢做得幾叻，職位有幾高都好，返到屋企都係小朋友最重要。好似喺飲品生產公司做CEO嘅劉盛雪（Dorcas）出席一個環保藝術展開幕禮就話，佢個寶貝仔係佢屋企嘅CEO。聽落都知阿仔地位有幾高！Dorcas話，無論自己幾忙都好，每日都一定會抽時間同囝囝傾偈，陪伴小朋友成長比工作更重要，大不了都係犧牲休息時間啫。真係廿四孝媽媽！
平日會教囝囝回收膠樽
今次嘅開幕禮展出好多小朋友用廢棄膠樽所做出嚟嘅藝術品，Dorcas都講起，平日會教阿仔回收膠樽o架，由阿仔細細個開始，每當帶佢出街，如果買咗樽裝飲品，飲完都唔會即刻放落回收箱，而係將個樽帶返屋企，洗乾淨集埋一批，才一次過攞去環保回收箱，咁樣先係正確嘅回收方法喎。
佢又話，環保好應該從教育方面入手，家長嘅角色係好重要，口講係唔夠嘅，小朋友聽得多都厭啦，所以一定要有實際行動，以身作則咁話。