探射燈：低估人手需求 處理嚴重滯後
四千元關愛共享計劃由派表起已多次「甩轆」，至今只有小部分申請者成功收取津貼。有員工向工會投訴，指政府下令每人每日需處理最少二百份申請，工會代表認為人手與工作量比例嚴重失衡，是造成程序混亂及進度滯後的主因。
「幾百人處理幾百萬人嘅表格」
為應付海量申請表格，職津處在去年七月三十一日起刊登招聘廣告，以月薪一萬四千三百二十五港元，增聘二百零六名合約制辦公室文員。截至今年六月，已有十八人離職。曾有員工指，部門實行配額制，每名員工每日需輸入最少二百份資料，及人手發短訊通知，內部因要加班而怨聲載道。
「要幾百人處理幾百萬人嘅表格，係嚴重低估咗人手需求！」香港文書職系公務員總會幹事梁籌庭認為，以現時人手要在限期內完成派錢工作幾近不可能，市民惟有耐心等候。梁又表示，以政府的聘請條件，難以在市場上吸納足夠人手，「又唔係學到好多嘢，而且係臨時性質，萬零蚊啲人都想搵長工為主，市場臨時工選擇好多，唔一定做你嗰份。」