智慧燈柱既可以實時監測交通，亦可以協助打擊非法棄置建築廢物，聽落就好多功能，但香港就換得慢過人，搞咗咁多年先至完成咗觀塘同啟德發展區嘅部分，嚟緊雖然會擴展至油尖旺區，但負責嘅創新及科技局局長楊偉雄就計劃今年首階段只會先換十一支，其餘百幾支就要等下階段，以咁嘅進度嚟計，要全港都有智慧燈柱都唔知要等幾多年喇！查實科技發展一日千里，計劃拖咁長時間，恐怕到時又有新技術出現，咁又要由頭換過喇！
