政情：公民講場：海上垃圾極氾濫 劉利群懶懶閒

拖拉咗好多年，食環署先話計劃喺廿七個海上垃圾嘅黑點，其中十五個加裝攝影機，話睇住啲垃圾數量嚟調整清潔嘅次數。老實講，以前係啲環保團體自發去執垃圾，不斷要求政府搵人手去執垃圾，但政府部門又踢極都唔郁，依家食環署署長劉利群終於郁嘞，但竟然係做啲唔做啲，難怪有立法會議員炮轟該署嘥鬼氣，亦令人懷疑劉利群只係想做吓樣，話自己有做嘢，用嚟塞住環團把口，根本冇心去解決問題。