勞工及福利局副局長徐英偉（Caspar、中）早前出席一個廚藝比賽開幕禮時，望住成枱菜式，好似心郁郁好想食咁樣。之後問番Caspar，佢話啲菜式望落去真係好吸引，但佢完全冇得食，因為怕食咗就會搞亂個比賽，影響評判嘅評分工作，所以完全唔敢食，惟有希望下次有機會再食喇！佢又話不時出席啲長者活動都會遇上蛇宴同盆菜宴，但因為佢患有痛風，好多時都有得睇、冇得食，只好用雙眼去食喎。聽落好似幾慘咁！
（互聯網）
