政情：野豬出沒 楊靜行夜山嚇餐飽
小心野豬出沒！依家啲野豬走晒出街搵嘢食，唔單止嚇親市民，亦令到衞生情況變差，就連香港中華出入口商會副秘書長楊靜都話嚇親。
「夜晚7點後唔好去」
楊靜日前喺Facebook上載咗相片，張相鬆郁蒙，驟眼睇唔知影咗啲乜嘢？睇真啲，原來係野豬。佢仲貼文話以後夜晚七點後千萬不要行山，有野豬出沒。原來佢當晚第一次遇到半個人這麼高，三百公斤左右嘅大野豬，佢差點嚇死，好彩隻野豬喺五分鐘後離去，佢仲形容呢次「真的是狹路相逢了」。
有網友留言叫佢小心保重，亦有網友教路，話見到野豬唔好理就得嘞！睇怕經此一役，佢應該唔會再喺嗰個時間去行山。行山通常都係朝早去，之但係傍晚七點都天黑喇，點解佢仲行緊山呢？