政府修訂《逃犯條例》引入社會極大爭議，政務司司長張建宗尋日話未來施政會以青年為本，仲話會去除家長式心態咁話。老實講，喺新一屆政府上任後，隨即話施政重點之一係青年工作，仲由張建宗做總指揮，將青年事務委員會升格做青年發展委員會，又推出年輕人司局長同行同青年推薦計劃，等佢哋加入一啲諮詢委員會表達意見，但到咗今時今日，反映根本係換湯不換藥，只係整色整水，張建宗簡直係失敗。
