政情：八網難逃：鍾樹根收埋「私模」影靚相
立法會前議員鍾樹根（樹根）卸任議員後，喺內地發展佢嘅農業天地。但最近佢好似又想轉行，去做業餘攝影師專影女仔，兼收埋咗個私人模特兒，隨時隨地任影唔嬲，瞓緊覺都可以照影添！行得咁埋，唔怕老婆扭耳仔？
形容外孫女瞓覺打詠春
大家唔使擔心，講緊嘅模特兒係樹根就快滿月嘅外孫女。佢日前攞出全屋最貴嘅攝影「架生」幫孫女影相，BB一時合埋眼舉手，一時舉腳，動作多多，公公就形容係「夢中詠春拳」喎。
有網友就留言問係咪公公教BB耍詠春？樹根就玩嘢話唔識，最叻係「耍太極」喎。而油尖旺區議員陳少棠都留言，笑BB應該係耍緊睡夢羅漢拳，仲乘機話區內有詠春班，叫樹根遲吓幫BB報名學嘢添！