政情：公民講場：為學生減壓防爆煲 楊潤雄終踏出一步

香港學生壓力爆燈已經非今時今日先出現嘅現象，其中課程內容太多就一直受外界批評，不過終於有轉機。教育局轄下嘅「學校課程檢討專責小組」研究咗一年半後，終於就中小學課程改革有初步建議，喺高中課程方面，建議減輕全部四個核心科嘅課程同評估分量，例如中文同英文減少考試卷數，依家開始兩個月嘅公眾諮詢。講真嗰句，教育局局長楊潤雄今次呢個諮詢，算係肯畀少少反應試圖減輕學生壓力，不過最終係咪有用，真係要睇定啲至知。