本港部分行業長期面對人手短缺，外界一直批評政府勞工政策失當，影響本港經濟發展。人力市場供求失衡，不過勞工及福利局局長羅致光就好似冇符咁，佢尋日竟然話，未來係「易變、不確定、複雜及含混」嘅，又話政府「沒有一個水晶球」，唔可以確定未來勞工巿場發展咁話喎。羅致光上任以來，對長者嘅福利政策已經屢遭批評，扶貧政策亦被質疑做得不足，依家面對勞工問題都話冇水晶球，究竟佢想「卸波」卸到幾時呢？
