中環出更：排隊黨搞臭社區 伍婉婷求救業主
排隊黨愈來愈普遍，造成社區困擾。灣仔區議員伍婉婷（Yolanda）話，排隊黨阻住大廈出入口，又打交，又走入大廈大堂大小便，點知間舖又唔理，搞到佢最後要搵業主處理，聽落都真係幾困擾！
大堂大小便 難以忍受
Yolanda話，其實人哋賣限量版波鞋，真係完全唔關佢做區議員事，但係間舖每次一開賣，就會吸引大量排隊黨排隊，結果就阻住條街，啲排隊黨都好誇張，排足三日三夜，佢哋拖篋排隊，又成日隨街食飯，搞到周圍都係垃圾，污糟晒，阻住啲大廈入口，仲走入大廈大堂大小便，真係忍無可忍啦。
佢話，試過同舖頭員工講，點知啲員工話唔關佢哋事，完全無處理，後尾真係冇辦法，惟有搵業主傾，叫業主處理番呢個問題，最終搞咗好耐，才安排啲人去另一度排隊，叫做唔好阻住啲大廈出入口，還路於民。
卓妮