政情：今日你上鏡：周瑋瑩買手機套 等足九個字

尋日下午兩點鐘見到保護兒童會籌款委員會主席周瑋瑩（Jacqueline，圖左）同朋友喺中環置地廣場買手機保護套，見兩人商量挑選手機套款式後離開，約四十五分鐘後又見Jacqueline在店內出現，點解會再番轉頭呢？佢話手機套可以雕刻圖案，製作四十五分鐘就有得攞。話時話，每次見到Jacqueline都白雪雪，出面太陽咁猛，有乜防曬秘訣？佢就話每逢出外都會隨身帶定一頂帽同搽防曬，飲多啲水就夠，再冇其他秘訣喇，原來美白可以咁簡單。