壹傳媒旗下嘅《蘋果動新聞》近日打算唔再免費閱讀，話要收三蚊先有得睇，點知原本周一開始收三蚊，就延至下月四日先收。唔通係壹傳媒發現市民覺得唔值得畀錢，三蚊都嫌多，搞到焗住要推遲收費？
《蘋果動新聞》聲稱要推出所謂嘅新經營模式，先話要註冊登記，繼而就開始揚言要收費，打算由周一開始收三蚊，點知近日就話因應當時社會時局，等未升級嘅會員都繼續睇得到事態發展，所以下月四日下午才開始收三蚊，足足遲咗兩個幾禮拜。
之前講咗咁耐收費，叫人用行動支持，依家突然要延遲，唔通係發現啲人唔多支持？講真嗰句，如果真係咁有信心收費嘅，又點會有理由拖延吖，可能係知道市民覺得咁嘅傳媒撐唔落，三蚊都嫌多，依家搞到推遲收錢喇！