市建局行政總監韋志成尋日話一八／一九年度錄得逾二十億元盈餘，較上年度錄得嘅盈餘大跌逾八成，又預告未來五年需動用三百四十億元用作收購同賠償，加上最快要待明年底土瓜灣重建項目推出後先會有大筆進帳，預計明年流動資產會進一步減少，仲話今日到出年都係財政風險期，因為以使費為主，如樓市有變動，財政風險就會更加大。其實，佢咁講都係想為畀外界批評市建局「賺到盡」去洗底啫，所以先嗌定窮兼有可能財赤見紅呀！
