政情：馮敬恩晒近照 塊面圓過冬甩

見到網友笑佢肥咗，Billy似乎唔多高興，仲話「無啦啦攻擊我」；另有網友話「見到張相，比利仔都變比利叔了」，亦有網友話「證明你喺嗰邊好開心」。

話依家且行且珍惜

另外，佢仲喺網上貼文引述香港組合新青年理髮廳首歌《齒輪》嘅歌詞「要去那裏再去到那裏任風吹，帶著（着）自由身軀，和誰笑著（着）說著（着）， 直到飲醉」，話自己喺一八年嘅平靜生活實在得來不易，一九年要且行且珍惜，帶着自由嘅身軀，只為自己同所愛嘅朋友及人而活，而喺呢刻，冇事情係一杯啤酒解決不到嘅，如果有解決唔到就飲兩杯。

其實佢曾經喺網上平台講過，佢係聽朋友講話若果要遠離紛擾，最好選擇遠啲嘅地方進修，所以佢決定棄台灣遠赴英國，而呢排香港因反修例又上街又爆衝突，可能佢有感而發，要珍惜生活。

（互聯網）