早前又再發現非洲豬瘟，政府喺殺豬後，屠房亦清理好，但係內地豬來港嘅數目少，令到豬價貴，而豬販開工不足要吊鹽水。正所謂手停口停，一班商販尋日就抗議，要求政府向內地要求輸入更多豬，否則會發動罷市。其實，食物及衞生局副局長徐德義尋日亦都有喺立法會相關嘅委員會提及呢件事，但對策同係咪可以加多啲豬入市，有冇同內地傾等等，佢講咗等於無講，咁搞法，只會又變成官逼民反。
