政情：八網難逃：日本天皇獨有樓梯 黃傑龍影相留底
日本係香港人最喜歡去旅遊嘅地方之一，而稻苗學會會長黃傑龍（Simon）都係其中一個，但今次就去咗一個連佢都意想不到嘅地方。
乜嘢地方咁特別呀？Simon尋日喺Facebook上載咗幾張相，當中唔少係同班香港飲食界人士合影嘅。其中一張單人相就好吸睛嘞，事關佢身處日本國會，仲係由眾議員伊藤忠彥親自帶佢哋周圍參觀添！Simon仲話自己去過日本二百次旅行都冇咁嘅機會。
參觀日本國會好難得
參觀日本國會梗係難得喇，仲畀佢發現一個地方添！就係有一道樓梯鋪咗紅地氈嘅，而嗰條樓梯就只有日本天皇先可以行嘅，當然佢都有影番張相喇！
唔單止嚟參觀o架！仲有實務要做，包括中午同外務省午宴，仲會見農林水產大臣，佢仲話行程繁忙但有用喎。