公營醫療系統千瘡百孔，公立醫院乜都爆，床位爆、醫護人員做到爆煲，輪候睇專科嗰條隊愈排愈長。多名立法會議員尋日鬧爆醫院管理局嘅服務模式唔係以病人為本，只為方便管理，亦批評醫院同床位數目都欠缺規劃，甚至有議員直斥醫管局係「政府管唔到、又做得唔好嘅機構」。話時話，醫管局主席梁智仁每次喺公院發生事故後，只係識得話吸取教訓，會有改善措施，但年年都係重蹈覆轍，咁樣只會令市民失去信心，梁智仁究竟有冇深切反省o架？
