政情：「絕不手軟幫到就幫」 梁高美懿又有新公職

廖柏偉再獲委任主席

政府尋日宣布，特首委任梁太做前任行政長官及政治委任官員離職後工作諮詢委員會委員，任期兩年，由本年七月一日至二○二一年六月三十日。其實，今次委任梁太係頂替做咗六年委員嘅羅婉文，政府亦感謝羅婉文喺任內所作嘅貢獻。同時，廖柏偉教授再被委任為諮詢委員會主席，亦再度委任趙麗娟等三名委員。

諮詢委員會嘅職責範圍，包括訂立原則同標準，為前任行政長官和政治委任官員離職後嘅工作安排提供意見；根據所採納嘅原則同標準，考慮前任行政長官同政治委任官員離職後嘅工作安排，並作出研究同提供意見；以及考慮由行政長官辦公室轉介嘅其他個案，並向政府提供意見。