公共醫療服務爆煲，而嚴重醫療事故頻生，可謂搞出個「大頭佛」。立法會議員柯創盛（柯仔）尋日喺立法會傾到改革醫療嘅議案時，就話要送咗個「大頭佛」畀食物及衞生局局長陳肇始同醫管局，希望局長可以深切咁研究番醫療問題，聽議員發言時唔好「左耳入、右耳出」，唔好只係讀稿回應。柯仔仲提到好多公營醫療問題，例如醫生需要處理大量文件工作、開會文化奉行、過分官僚等都係事實嚟，叫局長諗吓計畀醫生可以專注番做醫療工作，達到醫政分家，否則受苦嘅都只會係病人o架咋！
