小強與小明一齊收工到街市買餸，小強問：「你依家仲食豬肉？有毒呀！」
小明回答：「有咩毒呀？」
小強答：「非洲豬瘟呀，你無睇新聞咩？」
小明回答：「你冷靜啲先！非洲豬瘟係嚴重嘅豬隻病毒性疾病，具高度傳染性，非洲豬瘟只會感染豬隻，死亡率可高達100%。由於目前無疫苗或治療方法，所以非洲豬瘟對養豬業構成嚴重威脅……」
小強答：「咁恐怖，你仲敢食？」
小明回答：「你聽我講埋先，非洲豬瘟可在豬隻之間經直接或間接接觸傳播。豬隻受感染後需時約4至19天才發病，但病毒可在病徵出現前兩天已開始傳播。病毒會經所有分泌物，例如唾液、淚水、鼻涕等，以及尿液、糞便等排泄物排出，並可長時間存活於排泄物、屠體、鮮肉及某些肉類產品中。雖然病毒可在受污染嘅肉內長時間生存，但以攝氏70度加熱30分鐘，即可殺滅。」
小強答：「咁即係煮耐啲、煮熟晒先食，就無問題啦？」
小明回答：「係呀，非洲豬瘟係唔會感染人類嘅動物疾病，所以對人類健康並無威脅。非洲豬瘟病毒外面有表面蛋白質，必須與宿主細胞結合才能進入和複製。非洲豬瘟病毒只能附着於並進入豬隻的特定細胞，而非人體細胞。自發現非洲豬瘟以來，至今都無證據顯示病毒曾出現變異而引致跨物種傳播並感染人類。」
小強答：「明白晒，咁我去買豬肉食喇！」
職業安全健康局
www.oshc.org.hk