小販伯伯跪地20分鐘求饒 食署照拉

哭喊：我以後唔敢啦

有網民於周四在Facebook群組「巴打絲打 Facebook Club」上載影片，片中在桂林街和汝州街交界的行人道，擺放了幾個紅白藍膠袋，衣物散落一地，多名食環署職員到場執法，兩人按住跪地的伯伯。

伯伯不斷哭喊：「我以後唔敢啦！」惟食環署職員指已報警，需待警方到場處理︰「對唔住喇真係，我哋會同差人溝通」。

現場聚集不少途人，有男子勸食環署職員：「佢都唔係郁手打你哋，你做咩捉住佢，你圍住佢咪得囉。」人員解釋只是掹着伯伯的衣服。

網民上載相片，當時有約六名食署人員和七名警察在場，伯伯雙膝跪地，呆望食環署職員把物品收起，最終被警員帶走。貼文指伯伯「跪足廿多分鐘，求食環放佢一馬」。

不少網民批評食環署職員不近人情：「屯門公園大媽就唔捉」、「賣垃圾啫，趕佢走咪得囉」。有網民則認為執法正確：「阿伯阻街就係犯法，食環署有權力去拉佢」。