屢接投訴 部門視若無睹
【本報訊】為禍深水埗區多年的通州街橋底「南亞村」雖在今年初被夷平，惟當局未有吸取教訓，部門繼續互相卸責，致旺角渡船街行車天橋底「南亞新村」淪為罪惡溫床。
「個個都話唔關自己事」
油尖旺區區議員許德亮稱街坊雖多番投訴，惟相關部門卻視若無睹歎慢板，他狠批相關部門互相卸責，「反映過好多次，喺區議會都討論過，但個個部門都話唔關自己事！」直至治安毒瘤發酵，村民數目急增並蔓延至甘芳街，當局始作清拆，無奈又故態復萌「拆啲唔拆啲」，任由村民在甘芳街橋底築竇烏煙瘴氣。
上月廿四日，有四名惡漢到甘芳街橋底聲稱找債仔「追數」，尋人不成發難遷怒兩名女露宿者，又飛擲木板、煮食鍋等雜物。居住該處兩年多的陳先生指出，橋底有四人居住，一直相安無事，惟早前有另一名中年漢在橋底搭建木板屋「搞搞震」，「成日喺度吸毒、濫藥，佢畀人拉咗之後又介紹咗幾個朋友嚟幫佢睇住，跟住嗰兩個又惹埋啲人嚟搞事！」陳又指，上月的襲擊案正是該名中年漢「惹番嚟」，「佢哋點錯相，打咗我哋兩個女人！」