政府為咗提升本港整體嘅行人易行度，就提出咗「香港好．易行」概念，並以人流密集嘅深水埗做試點，仲建議部分路段限制車速每小時三十公里，真係龜速行駛。深水埗區議會交通事務委員會尋日開會討論，多名區議員鬧爆有關建議「離地」同冇腦，直指當區已經面對車輛違泊、雜物堵塞路面等問題，仲限制車速根本就係畫蛇添足，令交通更擠塞。運輸署署長陳美寶係咪離地，真係不言而喻喇！
