政情：出書講管治 張炳良講明冇料爆

已完成初稿 料下半年面世

張炳良隨即就表明話冇咩料爆，只係分析過去五十年本港管治同公共行政發展，因為官方保密法，所以因為公職而知嘅資料就唔講得。雖然今次唔係寫運輸同房屋嘅嘢，不過都難唔到佢，佢仲話依家已經完成初稿，大約有十二、三萬字，預計下半年可以出書。佢又話，寫書唔係難度，問題係有冇題材，仲笑言作為學者，唔寫書點得喎。

張炳良卸任局長一職差唔多兩年，回顧過去，佢就話未入政府之前，已經覺得現實世界唔係好似書本上講到咁簡單，入咗政府之後嘅體會就更加深刻，不過有部分都係自己預計之內嘅。問到依家冇做局長，會唔會有「一身輕」嘅感覺，佢就坦言的確係輕鬆啲咁話。