政情：何順文講君子企業 塑造良好營商風氣

何校長話君子企業同儒商精神可謂一脈相承，就係將中國傳統要求君子應該具有嘅仁、義、禮、智、信等五德應用喺商業倫理當中。而君子企業較儒商更進一步，要顧及嘅持份者唔單止係股東，仲有僱員、顧客、社區環境、供應商以至生意對手嘅利益都不容忽視。

利潤最大化埋隱患

佢又話企業謀求利潤最大化好似係理所當然，然而由此衍生嘅剝削壓榨同壟斷，其實係大家將來都要「找數」嘅社會成本，而竭澤而漁嘅經營方式，更為社會埋下難以逆轉嘅隱患。佢話目前好多投資者都醒覺到，追求可持續發展勝過短暫嘅眼前利益，所以講求取之有道嘅君子企業，都會得到基金投資者嘅青睞。