綠色先鋒：剩食派對受老友記歡迎
為吸引長者參與環保活動，「綠惜社區教育站」的活動十分多元化，包括剩食派對、乾淨回收教育及環保老友記大使等，活動範圍更不限於中心，不時到各個機構分享經驗，將環保訊息傳播出去。
「剩食派對好受公公婆婆歡迎，每個節日都有唔同應節食物可以整。」吳其璐舉例指，曾於清明節與老友記一起製作茶果，過元宵節時則煮湯圓。她表示，大部分材料均是回收而來，例如薑和糖，「整完之後周圍派畀其他人食，除咗環保，老人家亦可以同街坊傾吓偈，對佢哋本身都好有益。」
另外，中心又會培訓區內長者成為環保老友記大使，一同實踐環保理念，「最常見嘅會叫佢哋幫手留意由屋企去中心嘅途中會唔會有膠樽喺地下，有嘅就執番嚟中心，當儲到咁上下就會一齊將膠樽清洗乾淨，除去招紙，然後拎去回收。」