綠色先鋒：惜食耆兵
廚餘問題一直是本港重大的環保議題，要回收剩食就要仰賴義工、街市檔販及社區中心三方合作。不過，出於食物安全的考慮，部分檔販會拒絕捐贈，由於街市內並無固定剩食收集點，義工運送食材時，往往需要多次往返社區中心及街市，可以說是難上加難。慶幸的是，有環保團體依然無懼困難，每日到街市收集剩食，為的是每日為公公婆婆送上蔬果，而受眾亦禮尚往來，炮製美食與他人分享。
「每日會有八、九十位公公婆婆嚟中心拎菜，我哋希望佢哋每一位嚟到都有得拎。」「食德好」助理項目主任吳其璐指，本港有需要的人眾多，而被浪費的食物亦很多，每日足足有三千六百噸廚餘，佔整體固體廢物超過一半，故位於石籬的中心會統籌培訓學員和義工，齊往區內不同街市檔販收集賣剩的蔬菜，「回收番嚟嘅菜入面有唔少係包裝出錯，但係蔬菜本身係無問題食得嘅，唔要真係好嘥，我哋分好一袋袋，每日下晝就會派o架喇！」
回收賣剩蔬菜 派發再造
「為咗唔好令公公婆婆覺得嚟拎菜會唔好意思，我哋諗咗啲活動等佢哋落手落腳一齊做，佢哋可以自由報名參加。」吳說的正是在中心設立的「綠惜社區教育站」，教育站會定期舉辦不同活動，以採訪當日為例，公公婆婆就要用收集得來的蔬菜製成素餃，有份參與活動的群英及阿玉均表示，可以和其他公公婆婆一邊製作餃子一邊聊天，感到十分開心。
養成環保習慣 推己及人
製作素餃的方法十分簡單，公公婆婆被分成三組，其中一組負責將菜、蘿蔔和粟米等配料洗淨及切粒，再將之製成餡料；第二組負責包餃子；最後一組則負責分批煮熟，「一班公公婆婆畀心機煮嘢，一來可以令佢哋有啲社交活動，二來畀佢哋知道原來收番嚟嘅食物可以煮成咁好味嘅嘢，更清楚剩食回收同環保嘅好處。」吳期望參與的公公婆婆可以將在中心的體驗帶入生活中，與家人和朋友分享，互相影響，養成更環保、更惜食的習慣。
圖：甘偉倫
文：陳名仲