政府早年成立基金，資助同鼓勵業界引入電動的士，但署理環境局局長謝展寰尋日話喺基金下試驗嘅三輛電動的士喺完成試驗後，已經全部登記改做私家車用途，咁即係話試驗計劃失敗。老實講，電動車充電要幾粒鐘，但行得又唔遠，叫啲的士司機點搵食，政府簡直就係「堅離地」，再加上有幾多充電站吖？配套設施做得咁差，推動綠色運輸都只係淪為口號，即係得個講字呀！
