政府派發四千元嘅關愛共享計劃出現連場甩漏，派錢都派到天怒人怨。近日有關部門話已向全數申請人發出確認通知，但係被立法會議員柯創盛踢爆，話近日收到唔少市民求助，話未收到確認通知，仲引述財經事務及庫務局局長劉怡翔話唔排除事件涉遺漏。竟然有漏網之魚，反映政府做嘢幾咁粗疏，就連利民措施都變咗擾民，自然鬧爆政府，劉怡翔搞呢壇嘢出現咁多失誤，係咪嫌政府民望低處未算低呀？
