漢奸黎最後瘋狂 告洋狀適得其反

上帝叫人滅亡,必先叫人瘋狂。逃犯條例修訂好似照妖鏡咁,邊個係人邊個係鬼,一次過現晒形,如果話阿爺吹雞,「國家隊」歸位,咁漢奸黎搖尾乞憐大告洋狀,瘋狂唱衰中國唱衰香港,就肯定露出「白頭鷹隊」嘅底色嘞。

漢奸黎尋日出席外國記者協會對談會,「搞事四人幫」除咗「民主阿婆」陳方安生唔見影,其餘「李漢奸」李柱銘以及「政治主教」陳日君都有撐場,加上漢奸黎洋跟班Mark Simon同埋壹淫媒高層,儼然反中亂港武林大會。果不其然,漢奸黎狗嘴吐不出象牙,左一句「內地法制係垃圾」,右一句逃犯條例「影響遠比廿三條嚴重」,正式山草藥噏得就噏。

漢奸黎拉大旗作虎皮,以為托庇於洋主子就可以萬事大吉,好可能打錯算盤。之前民族黨陳浩天喺外國記者協會大肆播獨,結果激起眾怒,民族黨被取締,今次漢奸黎會唔會適得其反,不妨拭目以待。

之不過話又要講番轉頭,漢奸黎驚死「修例衰過二十三條」,足證修例不同凡響,擊中佢嘅死穴。廿三條話晒本地立法、本地起訴、本地審判,漢奸黎既有港英餘孽作為內應,又有律政司大大個保護傘照住,自然可以有恃無恐,口響響「唔怕踎監,只怕洗廁所」,睇死香港司法冇佢符,第時逃犯條例通過修訂就唔同講法喇,香港同內地可以互相引渡逃犯,漢奸黎自己知自己事,話唔驚有朝一日被引渡返內地受審就假。呢嗱,有辦佢睇,大富豪張子強犯案纍纍,香港司法無奈其何,結果佢老哥咪喺大陸引頸就戮咯!

講開又講,漢奸黎知道末日快到,一早喺海外搵定竇口,呢排大賣台灣物業,除咗周身債要還,亦係準備隨時着草走人嘅先兆,只可惜今時唔同往日,一帶一路影響遍及全球,紅色通緝犯匿到天腳底都係嘥氣,一條狗「帶」將漢奸賣國賊一「路」緝拿歸案,真係諗起都大快人心。大家有眼睇,漢奸黎舉目無親,惟有死抱山姆大叔嘅大腿,佢最近頻頻撰文,聲稱要乘中國應付貿易戰「趁佢病攞佢命」,無非都係向山姆大叔遞投名狀跳忠字舞,問題係特朗普唯利是圖,只要有好價錢,分分鐘連看門狗都賣,到時盞喊都無謂。

善有善報,惡有惡報,時辰一到,甚麼都報。漢奸黎自嘆紙媒冇將來,始終都要做網媒,實情係金子邊度都會發光,腐肉邊度都會發臭,淫媒失道寡助,行將就木,正義傳媒愈做愈有,就係明證。漢奸黎走出去茫無去路,留下來神憎鬼厭,都係自我了斷罷啦!