政情：公民講場：盲人工廠擬搬遷 羅致光後知後覺

土瓜灣盲人工廠要重建，搞到約二百個學員及殘疾工友受影響，工廠要暫遷去觀塘一間空置校舍，立法會議員柯創盛尋日喺立法會福利事務委員會都話勞工及福利局「零諮詢」，局長羅致光竟然話自己都係較傳媒早幾日知工廠搬遷嘅地點，形容「唔係想出報紙」，對有地區人士感到不受尊重致歉喎。講真嗰句，作為局長咁遲才知，好似發緊夢咁，完全係後知後覺，到底平日有冇接觸開啲持份者呢？定係閉門諗政策就算呢？真係佢至知。依家淨係講句對唔住就想了事，做問責官員真係容易。