政情：李秀恒遊孟加拉 有保鏢揸槍傍住

眾所周知，李秀恒係攝影發燒友，四周圍去「獵景」。早前佢就應孟加拉旅遊局同攝影學會邀請，探索一帶一路嘅商機，為明年出版帶路（第二冊）攝影集攝製內容，順便拜訪會董張壽文，了解當地辦廠生產情况。

入清真寺後 對鞋被偷走

呢趟旅程，李秀恒主要拍攝當地嘅濕婆節同新年等兩個大節日，佢話，最難忘嘅係佢哋一齊入咗回教清真寺拍攝，按習俗要除鞋後才能入去，但出來時就發現對鞋被偷走，惟有赤腳走去附近買對新鞋。

由於當地治安差，所以佢哋就請咗一個揸槍嘅保鏢同行，兼且影咗張合照。李秀恒形容當地係 「窮人地獄，富者天堂」，見小孩生活「好慘」，所以即刻捐錢畀佢哋，佢仲話幸福唔係必然，住喺香港嘅人應好好感恩同珍惜嘞！