香港淪為「鼠患之都」，每隔一排，又話有好多老鼠出現，政府好似搞嚟搞去都冇搞掂過咁，早年以滅鼠出名、被稱為「鼠王芬」嘅立法會議員梁美芬近日搵埋廣州鼠王出山，擺埋叉燒做鼠餌，即刻就捉到老鼠嘞。講真嗰句，特區政府搞咁多年滅鼠，都仲係唔多成功咁，與其近來開咁多會研究點應對，不如好好請教下內地鼠王，學下人哋點捉老鼠仲實際啦！
