長沙灣熟食市場將關閉 檔主斥政府無情
【本報訊】「呢度就同屋企無分別，真係喺度土生土長，有好多嘢由無到有，都係呢度畀我，結婚、買車、買樓。」長沙灣熟食市場一熟食檔檔主阿B，在八十年代初出生時，爺爺剛投得檔位，從此他的成長就離不開這熟食市場，也見證過攤檔以至本港工業的光輝歲月。
從爺爺手上接管生意
在阿B二十多歲的時候，從爺爺手中接管了生意，「壓力一定有，因為嗰時環境開始有變化，好多廠都拆，生意係差咗，嗰陣接手又太後生無咩積蓄，都要靠爺爺支持。」爺爺對阿B的支持不限於經濟上，他也從爺爺身上學懂做老闆的心得，「要親力親為，唔好懶、唔好遲到，其實只要你做榜樣，所有嘢夥計都睇到，咁佢哋衰極有個譜」。阿B也與夥計們打成一片，「我唔鍾意有階級，因為曾經都打過工，我想老闆點對我，我就點對班夥計。」阿B因而贏得一班為自己打拚的好員工。
除了員工，攤檔在阿B的領導下也與客人建立了一份難得的情誼，「日日做都係嗰二、三百個客，八、九成都係日日見，有啲食咗十幾年仲食緊，大家有講有笑，我諗佢哋都有返屋企食飯嘅感覺」。可惜，政府已決定本月底關閉市場，意味阿B要遷出生活了三十多年的地方。雖然他認為地方殘舊，需要再發展是無可厚非，但對政府每檔只是賠償廿萬元的措施感失望，「廿萬真係無意思，我出去頂間舖，投資真係唔止廿萬，真係要四倍、五倍，我覺得政府無為我哋去諗。」
僅得恩恤金缺乏協助
除了廿萬元的恩恤金，他認為政府沒有其他有用的協助，「可唔可以有額外幫助，好似中小企貸款，幫我哋再創一番事業呢？其實係完全無提過，只是畀條死線你，你要就要，唔要就咩都無，我覺得有啲脅迫，三十幾年就咁走有啲無奈。」可是市場結束已成事實，阿B也在區內找到地方繼續經營，「梗係困難，真係要重新努力，喺第二度再由零開始過。」