市民禁肉一周 五臟廟好愁 鮮豬有得賣「加價都照買」

主婦聞喜訊 終於「安樂晒」

周末的旺角街市早上已熙來攘往，人人準備「家庭日」買餐好餸，但因為新鮮豬肉仍未面市，昨日街市內的豬肉檔都十室九空，多間鮮肉店仍未有恢復營業，只有小部分檔口在打點和清潔。

前往街市買菜的市民梁太回顧過去一星期「無豬飲食」生活，坦言自己無新鮮豬肉食都無所謂，但家中的小朋友全都愛吃豬肉，過去一星期都幾難滿足他們的胃口：「原來冇豬肉食都幾唔方便」，喜聞今日會有新鮮豬肉賣，終於「安樂晒」。

鮮豬肉恢復售賣初期勢加價，但一眾愛吃豬肉的「粉絲」似乎不介意。市民陳先生表示，豬肉停供幾天期間，他都轉吃羊肉，惟近日天氣炎熱，吃羊肉其實不太適合。他期待今日有鮮豬肉賣，因為太耐無食，就算加價都會買，「我哋最多咪買幾十蚊豬肉，貴都冇乜所謂啦！」另一市民周先生亦是加價照買，由於家中只有數名成員，食量較小：「加少少都冇所謂啦，有得食的話，我會照買！」